عن الحلقة
بيبرس >> طارق سيف الدين عبد الرحمن >> تامر رفعت هبة >> سالي دياب الراوي >> شيماء عبد اللطيف جندي المطار >> محمد أشرف شاب المطار >> عبد الحميد أوغلو موظفة الجوازات >> ميادة مجدي النداء الآلي >> شيماء عبد اللطيف موظف التصاريح >> عمرو جمال الطبيب >> اسلام محمد طبيبة المعمل >> دعاء عبد الجواد الكول سنتر >> محمد يعقوب ناردين >> داليا العربي سامر >> علي الصباحي تيام >> أحمد نبيل سالم >> محمد صلاح الداية >> دعاء محفوظ الممرضة >> مروة شكري سليم المنصوري >> محمد مصطفى محي بيبرس الصغير >> آدم الصباحي عامر >> عصام حسني هاجر >> آية حلمي المحقق >> محمد الفخراني آدم >> علاء أبو يوسف معالجة سكريبت >> أشرف يحيى هندسة إذاعية >> محمد رحمه إخراج >> محمد رحمه
التعليقات
💗💗💗
ياريت يتكتب نبذه عن قصة العمل أو نوع العمل لأن مافيش اى معلومه واضحه و مضطر اسمع حاجه مش نوعى المفضل عشان اكتشف مع الوقت أنها دراما حزينه.
بلح رواية مالهاش هدف من كتر ما انتي عاوزة تزودي الإثارة الرواية طلعت بلح علمة شكرا على مجهودك
انا رأيي متأخر شويه بس لسه مخلص القصة حالا : القصه بلا هدف أو اي ال ممكن اطلع منه بالقصة مفيش ترابط مفيش اى حاجه تشدك ف الأحداث يعني أولها زي أخرها ماضي ابطال القصة مش موجود يعني مفيش هوية اقدر اجمعها عن اى شخصية كل الأحداث متداخلة وشوية ف المستقبل وشوية ف الماضي وشوية ف الحاضر توهااان الحاجه الوحيدة ال عجبتني أداء ادم فى الاخر قولت فى شخصية هتحلى القصة وطلع معاهم ويساعدهم طلع خاين بردوو 😅 يعني بتفقدى أشخاص تقدرى تبني عليهم القصة لية. وشخصية البطل ضعيفة اوى دا يقولو كلمه ودا كلمة رايح جاى بلا هدف .
البداية و الفكرة كانت مبشرة جدا ، النهاية مبتورة بشكل غريب
التقييم الأدبي: الرواية دي مش "أفضل ما قرأت"، لكنها بصراحة رواية لذيذة وممتعة. من الناحية الأدبية، أقدر أقول إنها متماسكة جدا، خصوصا في ترتيب الأحداث وبناء الشخصيات. صحيح البناء محتاج شوية نضج وواقعية أكتر علشان يوصل للقمة، لكن يفضل إنك تحس إن الكاتب بيشتغل على تفاصيل صغيرة لطيفة زي إدخال مشاهد عن الصلاة والفجر والسعي والقضاء، ودي بالنسبة لي علامة إيجابية جدا. الأحداث نفسها واقعية وجذابة، لكن دخول شخصية بيبرس في الحبكة ماكانش سلس أوي وكان محتاج شغل أكتر في دمجه. ومع ذلك، الرواية من الناحية الأدبية أفضل من العملين اللي قبلها. تقييمي الأدبي: 7/10. التقييم الإنتاجي: وهنا بقى المشكلة الأساسية. مستوى الإنتاج مش بالمستوى اللي متعودين عليه من أديوهات. كان فيه أخطاء واضحة زي: صوت الهوا داخل المايك. أوقات المايك قريب زيادة من الفم. تعديل صوتي غير سلس. لحظات صمت مش في مكانها. ده غير إن في مشاهد حسيت الصوت "متركب" مش طبيعي. لكن الحق يتقال: الباك جراوند كان مميز جدا، من الموسيقى التصويرية لحد أصوات العربيات والمكان في قعدة آدم وبيبرس عالقهوة—كلها تفاصيل حية ومبهجة. المشكلة إن الإخراج الصوتي ماكانش بالمستوى المعروف عن أديوهات. بصراحة حسيت إن في حاجة اتسابت من غير تدقيق أو كان محتاج وقت أطول في المونتاج. تقييمي للإنتاج: 5/10. الرواية حلوة، ممتعة، ومليانة تفاصيل واقعية جميلة، بس محتاجة شغل أعمق في البناء الأدبي، وإنتاج إذاعي أقوى وأدق. وده فرق جدا في أعمال زي حامل الضياء، اللي الإخراج فيها خلاها الأفضل بلا منازع على التطبيق. ده تقييمي المتواضع، وشكرا لكل اللي اشتغلوا على العمل، لأن رغم الملاحظات هو يفضل عمل جميل وله جمهوره.
كالعاده البدايه والفكره ممتازه ثم الخاتمه التي تفتقر الى اي ابداع كاننا نريد ان ننهي القصه ونخلص النصيحه ابداءي بالتفكير في النهايات قبل كتابه البديات
اتفق
النهايه غريبه اوي ومفاجاه ومن غير أحداث معجبتنيش الصراحه القصه دي بلا هدف
متعودين منكم على أفضل من كده
👎🏻👎🏻👎🏻
مافهمتش بردو .. اية الرسالة ؟
معلش ا فاطمة بس الرواية مش حلوة ممل اوى التنقل اللى مش مفهوم وجايبين واحدة عايزة تخلف فجأة القصص بتحتلف وواحد بيروح يعمل هوية تانية وفى الاخر ادم يطلع جاسوس ولا فى ترابط ولا فى حبكة والنهاية فضلت مستنية ايه هيحصل افتكرت الفون فصل طلعت الرواية خلصت ولا كان ليها اى هدف
الرواية دي محبطة أنا مفهمتش منها حاجة مفيش رسم صح لشخصيات الرواية فيه شخصيات ظهرت واختفت من غير ما نعرف دورها النهاية مملة ومزعجة وموت الشخصيات في الرواية بلا أي هدف والحاجة الغريبة أن الخاين يتسبب في موت اخته واخوه
مش حلوه .. خفيفه زياده عن اللزوم
التطبيق مش بيجري اي حاجة .. لازم كل مرة نسمع الحكاية من الأول
اقفله وافتحه ولما تقفله اقفله خالص وهيشتغل واحيانا بتكون نت عيد تحميل العمل
نفش المشكلة عندى التطبيق على تلفون اندرويد ، ده غير انه كل يوم بيطلب منى تحديث 😢😢
بالظبط ده انا هتشل افتكرت عندي انا المشكله بس
لما بتفتح القصة من قائمتى مش بتقدر تحركها بس لو دخلت تانى من جوه و تبحث عنها فى السيرش بتتحرك عادى
الموضوع ده مستفز جدا بجد ، أنا مسحت البرنامج ونزلته تاني و برضو مش بيمشي حاجة! حتى الداونلودز بتاعتي و من اي مكان لازم تشغل القصة من الاول، يا ريت تشوفوا حل
حضرتك محدث التطبيق لآخر اصدار ؟@MoeKhodairy
نفس المشكله عندي
يا ريت يشوفوا حل
من فضلكم التطبيق كل يوم بيكلب تحظيثولكن التقديم في الحلقة مش شغال ولازم افضل اسمع الحلقة من اولها تاني
مسلية جداً خصوصاً وانت سايق..😊
نص نص روايه العداد افضل بكتير
انا زعلانه اوى من النهايه للأسف نهايه واقعيه
كنت افضل تكون اجزاء
جميله جدا
واقعيه فعلا
👏👏جميلة بس حزينه
جميل 🥰🥰🥰
😍😍
اوكية خليني اقول إن العمل ده مفاجأة بالنسبة لي الصراحة .. لسبب اني بصراحة مكنتش بلاقي نفسي مع روايات أستاذة فاطمة الزهراء انا سمعت الروايتين هنا " العداد ، اديلينا " محبتهمش اوي الصراحة يعني يمكن العداد كانت أفضل شوية بس بردو موصلتش للدرجة اللي احبها لكن الرواية دي بالنسبة لي حلوة أوي .. مختلفة فكرتني في أولها بأجواء رواية موسم صيد الغزلان بتاعت احمد مراد في حتة الجين وكدة واختلاف الاطفال عن بعض .. القصة حلوة .. تمثيل تحفة اندمجت اوي بجد وحبيتهم جدا .. دور الأم بحييها اوي ممتازة انا كنت دمعت في مشهد موت ابنها .. الاب كنت حاسة بيه جدا وكان معبر اوي .. وفعلا كل اللي اشتغلوا في العمل ده أبدعوا .. حقيقي يعني شابوو لكل اللي شاركوا حتى لو دور صغير لأن فعلا كان فارق جدا .. دور بيبرس والممثل برافوو .. حبيتك جدا وعامر كمان اوي وهاجر .. الراوية انتي جميلة اوي متزنة صوتك واضح بالنسبة لي في سلبيات مش كتير بس هقول .. يعني في أول الرواية كنت متلغبطة ومش فاهمة الأجواء .. احنا من هنا لهنا في وقت قصير وحسيت اني في كذا نقطة مكنتش فاهماها .. من ضمن النقط دي اني مش فاهمة هو ليه مش مقتنع أن أمه بتحبه هو كل ده عشان خايفة عليه ؟ الصراحة بالنسبة لي كان غريب يعني أن مشاعره تكون كدة لمجرد الخوف يعني .. فعلا التنقل السريع بين الأزمنة كان مرهق ليا وملغبط في بعض الأحيان .. بعد كدة الموضوع اتظبط يمكن الكاتبة عرفت تضبط الموضوع اكتر بس فعلا في الاول كان لغبطة اوي .. نهاية غير متوقعة احب اللي يفاجئني ويعمل نهاية سودة عليا 😂😂 يخليني افتكر الرواية على طول .. يعني العداد بردو انتهت حاجة زي كدة كان انتحر بس الفرق فعلا إن دي احلى بمراحل .. معرفش هل فكرتها نفسها هي اللي خليتها تبقى حلوة كدة ولا طريقة حضرتك الكاتبة نفسها هي اللي خليتها تبقى منضبطة كدة مثيرة مشوقة ❤️❤️ في النهاية انا اديتها 4/5 عشان بس بجد اللغبطة الاولانية دي كانت مزعجة اوي .. غير كدة الرواية تمام مفاجأة حلوة .. أمسية جميلة لطيفة ظريفة شكرا على الاستمتاع ده عالمسا كدة .. شكرا اوديوهات نزلتها في الوقت ده شكرا الممثلين .. شكرا كل طاقم العمل اخراج موسيقى هندسة كله كله انا بردو مش عارفة كام واحد اشتغل في العمل .. الكاتبة شكرا وخلتيني ابقى مبسوطة وإن شاء الله هستنى حاجة تاني لحضرتك تنزل تاني تصبحوا على خير 🥰❤️❤️🤍
في جزء تاني ولا دي بس
لا قالوا دى رواية كاملة
في جزء تاني ولا دي النهاية
النهاية
بالتوفيق ان شاء الله قبل ما نسمع