رواية حلوة و شيقة و التمثيل ممتاز جدا و الأدوار لايقة جدا على أصحابها

ممتاز برافو 👏

أداء الجميع ممتاز برافو و عجبنى النهاية

حلوة جدا و الأداء مناسب جدا

رائعة جدا و أداء جميع الفريق ممتاز 👏

كالعادة دكتور اغر روياته شيقة ومثيرة للنهاية . اداء جميع الفريق هايل جدا

عجبتنى حلوة قووووى

شريف قتل ابوه ومهما كان بيكرهه صعب على نفسه يقتل ابوه والكبت ال جواه طلع مع الجزء ال كان بيحب الاب جاله فصام هو متعدمش هو دخل مستشفى المجانين وحته مها دي هلاوس في مخه

هل شريف هو القاتل وتم ايداعه في مستشفى الأمراض النفسية ولا هو من الاول عنده فصام وكل الأحداث حصلت في خياله بس

عجبتني الشخصيات جدا بس حبيت جريمة فيلا التجمع اكتر كل مره بكتشف القاتل بعد اول تحقيق من النيابه حتي ف مسلسلات الجرائم ع التلفزيون انا مدمنه ع القصص البوليسيه من صغري

التطويل ممكن يكون ممل لكنه كان فيه احداث مش هاتدعوا للملل وكانّها روايات الراديو زي زمان المشكله القصص دي من الكاتب بتتعقد جدا ومره وآخره يطلع الحل من شخصيه بعيده جدا للدرجه اللي تتحول لاستنكار يعني انت عايز تحبكها اوي وتعقدها اوي وتخليها غامضه اوي ولما تيجي تفك خيوطها يترمي الحل علي شخصيه بعيده جدا وشويه وقت او بعد كام روايه حسيت انه في اشخاص حرام يترمي عليها الجريمه لمجرد ان اخليها غامضه اوي اوي ثم احلها بشخص بعيد جدا عن الأحداث ماحستش في ترابط او تناسق او منطقيه أبدا لا في الجريمه ولا التخطيط ولا الحل بتاعها ولا علاقه شريف بمرات ابوه ولا بفكره قتله ولا زيارته متنكر ولا لفتحي ولا حتي تفسير وصول الضابط له واتهامه دي تقريبا تالت او رابع روايه وكلهم متشابهين في نفس فكره التعقيد والغموض الشديد اوي لدرجه لما تجيب الحل بيصعب عليك اللي لبس القضيه لان الحبكه لا تتناسب أبدا مع شده الغموض اللي أتعمل عليها وتحس ناس كانت عاديه دخلت في الأحداث بدون داعي وتحولت لمجرمين .. حتي الروايه اللي بعدها وحكايه سراج نفس الفكره المش منطقيه خالص .. ماعتقدش اني هاهتم اسمع روايات دي للأسف لانها شبه بعض مش منطقيه مش محبوكه وتحسها بتظلم شخصيات مالهاش علاقه بالموضوع لمجرد فك تشابك الغموض والتعقيد الشديد اللي أتعمل لمجرد يشد انتباهك طول الروايه ودا حصل فعلا لكن الإحباط في النهايه انك بتلبس اي حد فا بتكون مش منطقي ليا كا قارء .. تحياتي لفريق العمل وأصواتهم المميزه..

كان لازم شريف يعني يضيع نفسه بسبب أبوه 😑بس قصة حلوة 👏👏

جميلة دكتور اغر 👏

دكتور أغر راائع و رواياته مختلفة دايما 🥰🥰

توضيح هام يا جماعة.. شريف ما خرجش من مستشفى الأمراض العقلية كل الجزء بتاع إنه مع زوجته و هلاوس إن فاروق زاره كل ده فى عقله فقط و الدليل الجزء اللي بعد كده و اللي طبيب المستشفى بيستعرض حالته مع الطلبة

انا لما عرفت انه شريف قولت اكيد مريض فصام... بس مع اعترافاته قولت لا ده سيكوباتي وش مش مريض.. وبعدين حتي لو ثبت أنه مريض فصام ازاي يطلع من المصحه بعد سنه واحده بس وبرغم ده مها تتجوزه عادي ..الروايه كانت منطقيه وحلوه جدا بس النهايه بجد بوظتها كان المفروض يبقي اخرها اعترافات شريف

القصة طويلة زيادة عن اللزوم وبعدين القصة كانت احسن انها تنتهى باعترافات شريف ، يعنى فكرة انه يتجنن في الاخر مس شايف انها بتزيد من غموض القصة. ثانيا ودا الاهم لما ابوه جاله في وهموا وقالو "مش انا اللي قتلت امك" لو حسب فهمي انه كل القصه اصلا محصلتش وانها كانت وهم في دماغ واحد مجنون امه اتقتلت فعلا وكان شاكك انه والده عمل كدا واتجنن وتخيل كل السيناريو دا، يريت حد يقولي لو. انا فاهم صح ولا غلط، احب طبعا احي فريق اوديوهات على الاداء الرائع واللي بيخلي اى عمل ادبي مميز ومسلي حتى لو مكنش احسن حاجه

انا مش فاهمة حاجة 🤦‍♀️🙋‍♀️

بصراحة اختيار الاصوات ممتاز كالعادة👏🏼 ودور شريف بصراحة خارق .. عجبني جدااا وقدر يحقق الاختلاف اللي كنت منتظراه بين الشخصيتين اللي شكلهم الكاتب☺️👏🏼 دور زينة عجبني جدا ف الاداء لما بينت انكسارها وصدمتها من فعل فتحي👏🏼🙂 تقريبا اول مرة الاقي الاستاذ محمد صلاح ياخد دور القتيل مش القاتل😁😅😆 يلا ابقى عوضهالنا مرة تانية .. 😁😁😂 بصراحة الادوار كلها ممتازة ولا انسى طبعا الصوت الخارق للعادة ا. شريف منصور😊💪🏼 شكرا اوديوهات ع جرعة السعادة ومخدر الآلام المؤقت😊🌺

Jana Elshennawy

السنة الماضية

❤️❤️❤️😍

١

الروايه جميله ..وانا مش فارق معايا التطويل لان كل ما تكون طويله ووقتها اكتر كل ما ب انبسط اكتر .. من الاول قلت يارب يطلع اي حد الا شريف .. بس كل حاجه كانت بتقول شريف .. مافهمتش النهايه يعني هو قتل ابوه عشان ابوه قتل امه ولا هو ما قتلش ابوه وبس ابوه هو اللي قتل امه فهو اتجنن ولا امه اصلا ما اتقلتش وهو اللي اتجنن .. ما حبتش النهايه ابدا اولا لان فيها ظلم كبير لشريف .. الانسان اللي اتعذب في حياته كلها بسبب اب اناني وام بدون مشاعر لازم يتعوض في الاخر .. لو كان ياسر هو اللي قتل كنت قلت اوكي لكن شريف حرام .. طبعا طبعا الف مليون شكرا لكل اللي اشتغلو على الروايه بجد امتعتونا .. على فكره انا ما كنتش مقتنعه بروايات اغر الجمال كنت فاكراه كاتب تركي ولا حاجه كده .. لغايه مالقيت روايته عندكم وبدأت اسمعها وحبيت كتباته بسببكم انتو. يا اوديوهات

الرواية معقولة برغم التبريرات الكتير و التربيطات البعيدة شوية بس الخاتمة بالجنان مش عجباني.. يعني حديثا كتير اوي بيطلعوا المجرمين مجانين و كأن لازم نلاقي مبرر للشر ده او نشرحه.. كفاية جدا دوافعه المنطقية مش لازم يكون مجنون يعني

يعني ازاي واحد زي شريف بالذكاء والكبرياء ده واعترافه في الاخر بالتخطيط العظيم ده وبعدين يجيله انفصام ويتجنن يعني حد يقنعني دي خاتمة دي

جميل حسام حمدى اوى اوى

مع نهاية الراوية دى بصراحة هى الرواية بالنسبالي مش مشوقة اوى كان فيه تطويل شوية فى الأحداث لا أنكر أنها كان جزء منها يخدم الرواية وبيعرفنا على الشخصيات وبنفهم منها الدوافع إلى بيتهخليهم كلهم موضع شك لكن كان فيه حاجات ملهاش لازمة اوى كان ممكن تكون الحبكة احسن من كده والتشويق اكتر ولا أنكر انى كنت أشعر بالملل فى البداية من الرواية لكن كنت بتابع بصراحه بدافع الفضول وكان واضح فى البداية إن شريف هو القاتل لكن إلى خلانى اكمل عايزة اعرف عملها اذاى ومن اول مقتل فاروق حسيت هنا التشويق والفضول بيزيدوا والى ساعد على كده شخصية الظابط المسئول عن القضية والى احب حقيقى احى استاذ شريف منصور على أداءه فيها وكان لابس دوره فيها صح ووضح فيها ذكاء الظابط ده وعلى الرغم أنه دوره كان اخر جزء من الرواية إلا أنه نجح يشدنى وانبهر بيه وهو من اكتر الشخصيات إلى حبتها ويجى بعده دكتور شريف والى قام بدوره حسام حمدى والى حقيقى أبدع فى النهاية وهو بيشرح تفاصيل الجريمة وبيبين الجانب السيكوباتى فيه وفى نفس الوقت يصعب عليك وكنت اتمنى أنه ميتكشفش ونجى لتخطيط الجريمة إلى بصراحة كان فيه حاجات فيه حاسة إنها مش منطقية اوى كان ممكن الرواية تنجح لو الجزء ده اتحبك اكتر من كده خصوصا إن دى لحظة التشويق فيها عالى والفضول بيزيد وكن نعتقد أنها هتكون حاجة تفوق كل التوقعات وتخدم كمان النهاية وتخلينا نسقف على القفلة بتاعتها لكن بردوا منكرش إنها عجابنى إلى حد ما وممكن يعنى نبلع ونمشى الحاجات إلى كانت مش مقنعة كفاية فيها . وفى النهاية أشيد بصناع العمل ده فى ادائهم واصواتهم إلى عجبتنى جدا واكترهم بالتأكيد صوت الراوى ايمن طارق والى نطقه جميل جدا فى الحروف لكن كنه محتاج شوية يكون واضح فى الانفعالات إلى بيوضحها لشخصيات الرواية وخصوصا فى انواع الروايات إلى ذى دى إلى الغلبة فيها بتكون للراوى والى أدت برضوا صوت د. مها بصوتها الرقييق على الرغم إن محبحبش المشاهد إلى فيها حب ونحنة 😂 لأن سبب حبى الأساسى لاوديوهات تقديمها للحاجات القاسية والرعب لكن كان دورها لطيف ☺️ على الرغم من أنه قصير واشيد مرة تانية برضوا بأداء حسام حمدى والى بين فيه موهبته فعلا فى اخر الرواية 🤍 الرواية بصراحه محبتهاش اوى بسبب المط والتطويل وهى اقرب لرواية اجتماعية اكتر لأن الجانب البوليسى فيها مظهرش بقوة شوية غير فى النهاية و ده يخالف تصنيف الرواية وعنوانها والى يضعها فى الأدب البوليسى . لكن الراوية دى لا تنفى إن يكون د. اغر الجمال كاتب حاجات احسن من دى يكتير لأنها أول رواية افكر اسمعها أو أقرها لى ومش هحكم على الكاتب من رواية واحدة وممكن اجرب اقرأ أعمال اخرى ليه فى النهاية اشكر ابطال اودويهات القائمين على العمل عشان يحاولوا يطلعوه بشكل حلو وهو ده حقيقي إلى خلانى اكمل الرواية و ارفع القبعة حقيقى واحييكم على مجهدكم الجميل ده بشجعكم حقيقى على الاستمرار ويارب يوفقكم جميعا ♥️♥️♥️♥️

الرواية حلوة جدا بس اتصدمت بالنهاية حقيقى مش منطقية حتى لو كنا عايزين نعمل تويست الحبكة ماظبطتش فى النهاية يعنى كان ممكن تنتهى بأن شريف إللى قتل و ده فعلا كان بعيد عن خيالنا لكن إللى حصل بعدها ماقتنعتش بيه

روعه ايوه كده عمركم ما خيبتم ظنكم

عنجد تسلم الايادي وهالحناجر الذهبية

النهاية سيئة جداااااااا

طيب خلينا موضوعين شوية ، بصراحة انا اول مرة اجرى الحلقات بتاعة اوديهات ونا بسمعها لأول مرة ودة ان دل على شئ فأنة بيدل على الملل فى تطويل كتير قوى وفية شغت كتير فالرواية فكرنى بالمسلسلات القديمة بتاعة ال ٣٠ حلقة ومش فى محلة بصراحة اوديهات عملت شغل احسن من كدة فى جنايات وكان فيها روح العصر لكن اللت والعجن دة اووفر بصراحة ضيعت وقتى

جميلة بس يا ريت لو تكملو سلسلة العقرب

حلوة قوى قوى و الأداء ممتاز بجد برافو مش جديد على أوديوهات ♥️♥️♥️

تحفة الروابة روعة والتمثيل تحفة كل حاجة تحفة

ممتاز بجد

اولا القصة ممتازة، لكن العنوان قفلني عشان أداني مباشرة خلاصة الحكاية ، وأول ما سمعت ابنو الدكتور في الجزء الاول عرفت انو هو حيكون القاتل لكن طبعا موش بالوضوح بتاع الظابط عشان سمعتها متفرقة وفي العربية وانا سايق ووو لكن القصة محبوكة بصراحة

رووعة رووعه وانا شكيت أنه مريض نفسي بردو شااابو بجد 👏👏

♥️♥️

حبيت اوي 👏🏻👏🏻❤️❤️❤️

جميلة جدا بانتظار روايات اخرى

👏👏👏👏👏