عن الحلقة
مهاب عمارة >> جمال حداد
سهير زاهر >> إسراء مصطفى
جدو علي >> حلمي جلال
صوت المقدمة >> ابراهيم أبوسليمة
بوستر >> سمر علاء الدين
اعداد اذاعي >> وسام ابراهيم
مونتاج >> حمزة أبوسليمة
هندسة إذاعية واخراج >> عمرو يسري
التعليقات
الحلقة دى خوفتنى وأعتقد تخوف كل أب وأم ،الاجيال بقيت بعيدة قوى عن بعض و التغيرات سريعة جدا ولو انى اشك بردو فى سلامة الجد حاسة عنده مشكلة لأن رد فعل الأولاد غريب زيادة
أ/ حلمى جلال هايل حقيقى ووصلى بصوته احساس الجد جدا 🥰 حبيت الفكرة ورعبتنى لأنها دايما بتخوفنى ،انفصال الأجيال الجديدة دا مخيف ودايما بسأل هل هما مبسوطين زى ما إحنا كنا بنفرح زمان بلعبنا و قراءتنا و أفلامنا و حتى أكلنا ،معتقدش الحقيقة الحياه اللى مفهاش مشاعر و طعم دى عمرها ماتكون حلوة
انا اخصائية نفسية و مدرسة لذوي الاحتياجات الخاصة.. و فعلا بشوف اولاد كثييير كدة ..بسبب النت و الفيديوهات اللي بيشوفوها على تردادات معينة بتأثر على نمو المخ .. و كمان بيدخل كمية موثرات حسية بتخلي المخ مش متحمل أي مثيرات حسية تانية .. سواء الكلام أو أطعمة مختلفة حتى النور مبيتحملهوش ..
مساء الخير على كل المرعوبين والمرعبين في عالم الرعب ، وعالم الرعب دلوقتي ما بقاش أساطير ولا ما ورائيات ولا حتى حلقات مذاعة ،عالم الرعب الحقيقي بقى العالم الواقعي اللي عايشينه حوالينا في كل مكان ، زي ما بنقول كده وصلنا لليڤل الوحش انطلاقا من المبدأ ده صاغت الاستاذة شيرين هنائي حلقات الموسم الجديد من بعد منتصف الليل ، الحلقة الجديدة واخدة تيمة حزن شوية أكتر منها رعب ، رعب قد يكون غير مفهوم للبعض رعب من اللي جاي واللي ممكن يحصل ، أنا واحدة من الناس ولله الحمد مش لامسة حتة الرعب في الحلقة الاخيرة أوي ، لاني تقريبا ولله الحمد ما سيبتش فرصة إني أربط ولادي بالقديم واللي فات إلا وعملتها ، بس لما بقعد أفكر ولادي هيقدروا يعملوا ده مع أولادهم ولا لاء ، هما اه بيستجيبوا ليا بس كمان فيه حاجات بيستنكروها ، و حاجات أنا مبقدرش أجاريهم فيها ، وده بيخلق نوع من الخوف طب وبعدين 🤔 التقدم على أيامنا كان بطيء يمكن من التسعينات ولحد 2010 كان الناس لاحقة التغيير ،سريع بس يتلحق ، حتى لو الناس بتجري عشان تلحقه كان ممكن يتلحق لكن دلوقتي بقى قفزات غير ملحوقة ، قفزات بتسبب فجوات بين الأجيال ، فيه ناس بتعرف تتداركها وفيه ناس بتقف قدامها مش عارفة تعمل ايه ، الفجوات دي بتسبب خوف ، رعب ، صدمة وأحيانا شلل تام #جدو_علي نوع من أنواع الصدمات دي ، ناس شايفين الحلقة غير مناسبة لطبيعة #بعد_منتصف_الليل بس مع شوية تدقيق هنلاقي الحلقة فيها أكتر من حاجة ماورائية تخليها مناسبة جدا للبرنامج أولا #شخصية جدو علي اللي قال في آخر الحلقة انه جدو افتراضي جاي من العالم الافتراضي يخلينا ب نسأل ونفترض هل جدو علي من كتر قعدته لوحده وهجر ولاده وأحفاده له بقى عايش في الخيال ، وكل الأحداث دي محصلتش من الأساس وهو #بيتخيل ؟؟ ولا ممكن يكون مات في أثناء الجراحة ؟؟ ووجوده في البيت في وسط أحفاده سبب لهم رعب حقيقي ؟؟ ولا جدو علي تعبان و في غيبوبة وده #جسده_النجمي و هو مش مدرك ده ، ولا عارف انه بيشوك ( بيكهرب) لما حاول يقرب من أحفاده الحلقة متسابة للخيال بشكل كبير أوي 👌 ودي نقطة من نقاط إجادة الكتابة 🎩 اختيار الأصوات في Audiohat اوديوهات ممتاز ،الأستاذ حلمي جلال أجاد في دور الجد لشخص عايش الكآبة كما يجب أن تكون ، هو مش متصالح أبدا مع حاله زي ما حاول يبين ، لكنه ناقم على كل حاجة ، على اولاده واحفاده ، على التطورات ، واحد تاني عايش في عالم الرسوم المتحركة كان لازم يكون أكثر قربا من أحفاده ويعلمهم يعني ايه ألوان ويعني ايه قرب ، أولادنا نتاج لغرسنا ، 🌱هتغرس حنية هتحصد محبة 🌿 لكن مش نسيبهم ونرجع نقول بعدوا وما رجعوش 🍂 #اختيار_غير_موفق لاغنية الشاطر عمرو في نهاية الحلقة كان فيه أغاني كتير عن الجد ينفع تكون قافلة للحلقة على سبيل المثال لا الحصر ( جدو يا جدو يا أجمل جد ) خصوصا وان الاغنية اللي تم إختياراها لها ذكريات مش لطيفة مع مهاب وتم ذكرها بالفعل في احد حلقات المواسم السابقة
مبدعة في تعليقك عحبتني كثير الافكار الخيالية اللي طرحتيها وهي بالضبط ماخطرلي وقت سماعي للقصة بس كنت ناطرة القفلة واللي كنت اتوقع يجي اتصال من البنت توضح حقيقة ماحصل مع الجد .
@qalm7r شكرا جزيلا لذوقك سعيدة ان تحليلي عجب حضرتك 💙
بالعكس الأغنية مقصودة جدا
الجد فعلا غريب وجايز دا سبب تصروفات ولاده و أحفاده متعاطفتش معاه قوى
رسمت الحلقة صورة قاتمة ومرعبة لجيل جديد تمت إعادة برمجته بالكامل؛ جيل لا يكتفي برفض الماضي فحسب، بل يتألم منه جسدياً ونفسياً، بعد أن تحول البشر إلى كائنات هشة ذات حساسية مفرطة تجاه كل ما هو حقيقي. إن رفض الأحفاد للطعام المنزلي الدافئ، و الرسوم المتحركة ذات الألوان الصريحة، والحكايات الخيالية هو مؤشر خطير على ضمور الحواس البشرية لصالح حواس رقمية جديدة؛ حيث أصبح الواقع بالنسبة لهذا الجيل هو ما تفرضه الخوارزميات، بينما استحال الواقع الحقيقي الملموس إلى خيال مرعب، وفي هذا السياق نجح المتصل ببراعة في نقل شعوره بالوحدة مجسداً مأساة تحوله من "كبير العائلة" إلى كائن مؤذٍ و مرعب في نظر أحفاده بأداء مقنع جعلنا نشعر ببرودة الغرفة التي جلس فيها وحيداً أمام أطفال ينظرون إليه كشاشة قديمة مشوشة تؤذي أعينهم. وبهذا، نجح البرنامج في تعرية المستقبل الذي نسير نحوه؛ مستقبل نعيش فيه داخل "جزر منعزلة"، يفقد فيه الإنسان قدرته على تذوق الجمال، وتصبح الروابط الإنسانية عبئاً ثقيلاً و يصبح الرعب كامناً في عيون أطفال يرون في الحب مصدراً للألم،مفضلين البقاء كآلات صماء تستهلك المحتوى وتلفظ المشاعر.
أنا جوعت من الأكل بتاع جدو على عيال مش فاهمة مصلحتها 😀
الجد دا مسكين جدا
رعب واقعى كبير جدا الأغنية مناسبة قوى فكرتنى بعمو جبر الأداء ممتاز حقيقى
للأسف دا الواقع مهما هربنا منه ولو أن الاهل سلبيين بردو قوى
من قلب الحدث والله بس أتفق بردو جدو على غريب شوية
صحيح مش صح نغصب عليهم بس هما كدا بيبعدوا أكتر ،الجد غلطان وولاده كمان
حبيت صوت و أداء جدو على 🤩
حلقه واقعيه جدا و حبيتها اوي و اختيار ممتاز للاغنيه بصراحه الموسم واقعي جدا لحد دلوقتي و مستنيه الحلقه القادمه ان شاءالله
الموضوع دا فكرنى بإن دايما بيتقالى من الولاد الصغيرين انتوا من الخمسينات وبتحبوا و تسمعوا حاجات غريبة ..ببقى مش فاهم ايه الغريب يعني !😅 واضح اننا وهما بعيد جدا و قربنا نبقى كل واحد فى جزيرة لوحده و هتفضل المسافات بينا وبينهم تكبر اكتر طول ماهما شايفنا من قرن بعيد و أغلب الأهالى مش شايف إن دى مشكلة اصلا و فرق أجيال وبتاع .. دى حاجة مخيفة بالنسبالى بصراحة
الجد مخيف بردو كأن وراه حاجة مش بيقولها . العيال خايفين منه بزيادة قوى مش متعاطفة معاه تماما أ/ حلمى جلال صوته ممتاز
أنا بخاف من الحكاية دى جدا بخاف منهم و عليهم
لو سمعنا القصة من وجه نظر ولاده و أحفاده اعتقد هنسمع حاجة تانية خالص
الله يكون فى عونه بردو الوحدة مش سهلة الأداء ممتاز جدا
معرفش بس مش مبسوط احنا رايحين لسكه اجتماعي اكتر يعني حلقه نوني ها فيها اما ايه جدو علي فين الرعب بجد اه فكره اننا نبني احداث وديها عمق بس هو مش برنامج سهير واغاني هو ماهو مش حشو وخلاص احنا بنعمل رعب اه يكون محطوط في حبكه بس مش كده ايه انت بتكهرب ياجدو احنا بنبعد اوي
الموسم ده لحد دلوقتى للاسف اضعف موسم مقارنة بالمواسم اللى فاتت
صح جدًا الموضوع دا شاغلنى و مضايقنى جدا ،إحنا بعيد قوى عن الجيل ده أو هما اللى بعيد، كل حاجة بينا و بينهم مختلفة، اهتمامات و تفكير و نوع الأكل و اللبس و الفن ونظرتهم للحياة مختلفة تمامًا، دايمًا زهقانين و مفيش تركيز، مفيش صبر على أي حاجة، بيسعوا دايما للنجاح و الشهرة و الغنى السريع ، مفيش ضحكة حقيقية على وشهم، اللي حواليهم بقى ليه تأثير أقوى مننا، وده خطر كبير لازم نقرب منهم أكتر، ونرجعهم للحياة الحقيقية ونبعد عن الترندات والموضة. لو سيبنا السلوكيات دي تكبر، الجيل ده هيتعب قوى ومش هيعرف يبدع، ولا حتى يحب نفسه شكرًا للتنبيه عن الحكاية دي، وحبيت كالعاده أداء المتصل جدو على.
متفهم خوف الأولاد ولكنه زيادة و الجد بردو سلبى بزيادة مش بي أولاده
حبيت موضوع الحلقة جدا جدا ،و اتأرثرت بيها الحلقات دى مرعبة اكتر وأهم من أى حاجة بقاش كفاية نترعب من شوية أشباح و عفاريت الواقع أرعب ومبقاش ينفع نطنشه فى رأيى الدور الأكبر على الأهل اللى مكبرين دماغهم من عيالهم و شاليين ايدهم من المسؤولية
متزعلش يا مهاب من المقلب معلش 😀 رسائل المستعمين مخيفة هى كمان بس ردود فعل مهاب و سهير بتضحكنى 😀 الحقيقة الجد صعبان عليا جدا هو حاول لكن مش مطلوب منه أكتر من كدا،بستغرب الأهالى حاليا جدا ، دى سلبية منهم مش حرية أبدا ،الموضوع مرعب ، كلها كام سنة وهنفقد التواصل تماما مع الأجيال الصغيرة ودا فى حد ذاته رعب خام تحية للمتصل بصراحة صوته جميل قوى و معبر جدا 😍
حلقة حلوة اوي وأ. حلمي جلال موفق جدا في اداؤه لكنها للاسف زي احفاد جدو على ممكن محدش يهتم او يشوفها غريبة او موضوعها مش قوى في برنامج رعب رغم انها فعلا مخيفة
هي الأغنبة الأخيرة فكرتني بجبر ليه ههههه
هو اللى كان بيغنيها فعلاً 😅
ماهو فعلاً 😅
أنا عدت الاغنيه عشر مرات ❤️
ابنى حاولت اخليه يتفرج على بكار معجبوش ومش متخيل يعنى ايه قصص الانبياء تبقى معمولة بشخصيات من الصلصال وده بالنسبة لى ذكريات وحنين وهو مكملش ٨ سنين لكن عجبة توم وجيري
وبيقولوا على كرتونات زمان ألوانها بتوجع العبن أومال الانمى وكمبة الألوان والدم اللى بيقعد يطرطش عالشاشة ده ايه يجيب صرع
الحلقة تلعب على رعب واقعي مثل الشعور بالتباعد بين الاجيال و التأثير السلبي للتكنولوجيا ووسائل التواصل الاجتماعي التي اصبحت وسائل تباعد اجتماعي و صنعت من البشر اشباه آليين
حقيقى بشكل مرعب💔
حلوه اوووووي
حلقة جميلة جدا و واقعية و مرعبة فعلا 💔 ، لكن ليس اي شخص يشوفها مرعبة فقط جيل الطيبين مواليد الستينات و السبعينات و الثمانينات اللي زي جدو و مهاب و سهير ❤️❤️❤️ اما الجيل الاصغر سنا للاسف شايفين الموضوع تافه و لا يستحق و عاوزيين بس عفاريت و جن و اشباح . شكرا استاذه شيرين و شكرا اوديوهات دمتم مبدعين 🌷
الحلقه حلوه قوي قوي هي اه بعيده عن سياق البرنامج بس أثرت فيا جدا🥺❣️
جميلة
تحفة
عجبتنى اوى جملة اننا محتاجين جسور للتواصل🤍
صحيح الموضوع مخيف و كلنا ملاحظين تباعد الأجيال الرهيب لكن بردو الجد وراه قصة لأن الولاد خايفين بزيادة هو بيحكى من وجهة نظره هو ،إحنا مش عارفين هما شايفينه ازاى أداء أ/ حلمى رائع جدا و صوته وصلى احساسه جدا وصعب عليا بردو
فكرتها مؤلمة لكن واقعية وحقيقة على الرغم انه فيه خطأ على الأهل كبير
لآخر لحظة كنت انتظر يطلع الجد شبح او الأحفاد اشباح 🤣 الله يسامحكم
الحلقات اللي بتبقي ٢٠ و ٢٥ دقيقه قليله اوي ياجماااعه
أ/ شيرين قالت مبتحبش تتقل على المستمعين 😅
الجيل الجسر هو الحل .. يعني ناكل معاهم رامن ويفضلوا ياكلوا معانا ملوخية ونشرب معاهم بويا ويشربوا معانا سحلب .. اطمن يا جدو فيه لسة صفيرين هينيهروا بأوضتك اللي فيها لوحات الرسوم المتحركة ويعتبروها حلم وخيال وبيسمعوا حكايات وعايزين يشتروا كتب رغم السماعة اللي على ودانهم والموبيل اللي في ايدهم .. ربنا يبارك لنا في ولادنا ويقدرنا ويقوينا ..🌹
شغلت الحلقة وقعدت فجاة يعني اي اجي ابص الساعة كام الاقي الحلقة خلصت تغفيلة دي خدي بالك يا استاذة شيرين هنائي عايزين حلقات اطول بالله 🙂🙂
ا/ شيرين 😀😀
م عارف اجبهالك ازاي بس والله خطاء كيبورد بس الله يباركلك عدلتها 😂
بصراحة ……. المفروض ان بعد منتصف الليل هي قصص رعب بالمقام الاول انما قصص التعليم المجتمعي لا اعتقد ان مكانها هنا للأسف لم تكن حلقة موفقة 🙃🙃
لا مانع من التجارب المقرفة المقيتة البشعة 😇😇 كل الحب 🥰🥰
ومين قال ان دا مش رعب و ليه الرعب يفضل دايما فى سياق واحد !! زهقنا اشباح و نداهة وعفاريت. القصص دا اتعملت مليون مرة ! ومبقتش تخوف أصلا
لكل مكان وله مواضيعه وحسب التصنيف هنا بعد منتصف الليل للرعب والرعب فقط وليس مكان لمناقشة المواضيع الاجتماعية اكيد المواضيع دي تخوف وتقلق اكيد ولكن ده مش المكان المناسب لها إلا إذا كانت بتخدم حلقة الرهب
هي تليق ب سيزون محمود عقل بالاغاني و طريقه الحلقه او خلوها منفصله تبع الدرامي الاجتماعي
موسم محمود عقل كان كله رعب نفسي مش اجتماعى خالص
أنا اشتراك ماسي. بعد ما خلصت الحلقة دي شغلت حلقة من ما وراء الطبيعة علشان أحلل فلوس الاشتراك وافتكر يعني إيه تكون الحاجة معمولة بضمير ومن غير استسهال. في حلقة قديمة كان المذيع بيتريق على المستمعين اللي مش قادرين يستحملوا رعب الحلقات وقال لهم يسمعوا برنامج حياتي وبرامج الكورة. أدينا بقالنا كام حلقة في برنامج حياتي ورامز جلال ومش بعيد نلاقي حلقة كورة، ويطلعوا يقولوا أصل محمد صلاح عاش أيام رعب وخوف. ما هو كل حاجة بالجدال تمشي. وكأنهم مش فاهمين الفرق بين الهواجس والقلق والرعب. العجيب هو التطبيل اللي في التعليقات. انتوا كدا بتشجعوهم يكملوا بالشكل دا. يا ريت يا جماعة تراجعوا نفسكم بجد. لو بتمروا بحالة نفسية افصلوها عن الشغل أو خدوا إجازة، شكلها هيكون أشيك من هذا الشيء المؤسف وكنا على الأقل ندعيلكم ربنا يخفف عنكم ونستنى رجوعكم.
أ/ شيرين ردت على نوع الحلقات فى الموسم دا فى بوست على جروب البرنامج تقدر تشوفه !
بالعكس الحلقة جميلة جدا وعجبتني من غير لا تطبيل ولا بتاع!
الشاطر عمرو و صوت مدبولى ❤❤
جميله مخيفه اوي والله ربنا يحفظ ولادنا ويلهمنا الصواب في تربيتهم بعيد عن القطيع الي كله بيقلد بعضه ويجعلهم من الصالحين
هذه الحلقة تدعم نظرية تعفن العقل والانترنت الميت اختيار موفق ببساطة أصبح الجيل عبدا للتكنولوجيا والمواقع التي أكثر من يقودها ريبوتات أو مواقع وهمية ليست لأشخاص حقيقيين حتى التعليقات والمنشورات تشبه بعضها بشكل مخيف لخلق جيل واحد والتحكم في أفكاره وميوله الله يحفظ اولادنا
انا مش عارفة اقول ايه بس انا اول ما سمعت أن كلمة كوتشى قدمت قلت اه جدو على اتمنى لو كنت حقيقي عشان اجيلك اقعد معاك على السفرة القديمة واكل الفراخ والملوخية وطاجن الرز والكيك والكريم كراميل ويا سلام بقى لو معاهم اتنين شاى بلبن أو هوت شوكليت مع فيلم من افلامك الحلوة انا صحابي بيقولوا لى انى من زمن الابيض والاسود مش معاهم مع انى مواليد أواخر التمانيات مش صغيرة بس برضه مش عجوزة بيطالبونى اعيش معاهم الزمن ده وافتح محى بس حقيقي مش عارفة القى فى الزمن ده اى ميزة تخلينى أعيشه انا عاوزة أعيش زمانك يا جدو على عاوزة حياة حقيقية مش تيك اواى رقمية
الحلقة دى اصابتنى بالهلع حطيت نفسي مكان جدو على بعد 10سنين من وقتنا هذا عندما يرحل الجميع لسبب او لاخر عندما لا امثل سوى شيء قديم مزعج للاخرين لقد ايقظتوا اعظم مخاوفى وتركتوه حرا يتلاعب بعقلى
ماتخفش اشترك في ايديوهات ساعتها وهيرعبوك اكتر 😁😁
صعبت عليا يا جدو حقيقى 🥹
الحلقة غير موفقه بالنسبه لي😔
يخربيت الرعب انا عيال اختي كده
صعب عليا أوي جدو علي العزلة وفكرة إنك ف يوم تبقى لوحدك تماما بذكرياتك القديمة بكل حاجة شبه الجزء بتاع '' أنت وحيد، وحيد بالمعنى الكامل للكلمة... '' زي ما قال دكتور أحمد خالد الله يرحمه
الموسم ده كله لحد دلوقتى اقلهم رعبا حقيقي مفيش ولا حلقة معلقة معايا زى حلقة شقة العجمى والا مصدق و إلا الخط الرابع يا ريت الحلقات الباقيه تكون اعلى رعبا و اطول 😔
بخاف الموضوع يتحول سبوبة
@Nassar5001@gmail.comسبوبة ايه !!
ما هو سبوبة فعلا
سبوبة ايه ؟؟ هو اى كلام! انتوا فاهمين معناها اصلا ! البرنامج انتاجهم ! هياخدوا سبوبه من مين !!😀😀 هو احنا ليه مابنعرفش نختلف ونبقى ناضجينن وعارفين الكون متنوع و كل كاتب حقه يعبر بطريقته من غير نظرية المؤامرة المضحكة دى ! و عموما شيرين هنائي ردت فى بوست على نوعية الحلقات و شكل الرعب اللى هى بتكتبه
ماشي يا جماعة الحلقة فيها رسالة قيمة ومؤثرة وكل الكلام الجميل ده بس معلش انا حاسس موضوع الحلقة خرج شويتين برة اطار برنامج بعد منتصف الليل
البرنامج مالوش إطار محدد ودا اللى أ/ شيرين و ضحته فى آخر بوست ليها على جروب البرنامج
فين القصه المرعبه ؟
فين القصة اصلا
حلقة تعبانة
اعملو حلقة عن النعنوشة
النعوشة 😀
@dalia ما انا عارف بس حبيت اخليها فرفوشه بعد الحلقه النكد
الحلقة حلوة لكن مش لهاد البرنامج . والحلقة الماضية نوني ما كانت ضمن المستوى لكنها ما خرجت كتير عن سياق البرنامج.
الدقيقة ٢٤ ولحد دلوقتي حلقة من برنامج حياتي..يارب تويست
سهرانه مستنياها مخصوص🥰🥰
الموسم ده كله لحد دلوقتى اقلهم رعبا حقيقي مفيش ولا حلقة معلقة معايا زى حلقة شقة العجمى والا مصدق و إلا الخط الرابع يا ريت الحلقات الباقيه تكون اعلى رعبا و اطول 😔
احلى خميس كدا كدا معاكم 🥰
ايه تشكن رابسو ده
♥️
❤️❤️
😍😍
اخيرا 😍
السهرة الجاااامدة 😍😍
ياهلا ياهلا 💓💓