عن الحلقة
ظابط أحمد >> جمال حداد
ظابط خالد >> باسم أمين
ظابط عمرو >> عمرو يسري
د. مي >> مي علي
عبدالرحمن >> محمد وجيه
حسام حمدي >> حسام حمدي
حاج عبدالحليم >> محمود عيسى
باسل >> جاسر الأنور
مريم >> مي طلعت
والد مريم >> هيثم الباشا
أخو مريم >> عبدالرحمن حسن
كندة >> كندة عمرو
عم دانيال >> حلمي جلال
د. جميلة >> فاطمة قاسم
بهاء >> محمود مبروك
غادة >> شروق علاء الدين
محمد >> باسل سعيد
هايدي >> جنى الشناوي
ليندا >> سالي دياب
دانا >> شيرين فتحي
حازم >> تامر رفعت
منار >> سالمة الشافعي
والد القتيل >> أحمد طه
والدة القتيل >> وفاء شعراوي
عالية >> تقى الشرقاوي
آسر >> معاذ صلاح
العسكري فرغلي >> ضياء حمدي
أم نور >> اجلال الأعصر
البواب >> مصطفى عادل
عماد >> أحمد مجدي
بوستر >> سمر علاء الدين
إعداد إذاعي >> وسام ابراهيم
مونتاج >> حمزة أبوسليمة
هندسة إذاعية >> مروان خميس
اخراج >> عمرو يسري
التعليقات
جامدة جدا
حلقة روعة أحلى سلسلة و أحلى ظباط ♥️
جميلة الحلقة دى و موضوعها مهم جدا وطبعا الأداء رائع 🥰🥰
حلوة جدا ياريت نسجل حلقات اكثر
لسة د.رحاب بتكتب أصلا الحلقة و لسة مخلصتهاش ،هى مفيش مشكلة فى التسجيلات ،الفكرة فى وقت الكتابة هو اللى كبير
في حلقة جديدة دسمة ومثيرة من سلسلة "جنايات" على تطبيق "أوديوهات"، تأخذنا الكاتبة المبدعة الدكتورة رحاب فكري في رحلة تكشف مخاطر العصر الرقمي، حيث تبرز الحلقة بحبكة معقدة لشخصية الضحية الذي يظهر كشاب مهذب يساعد الجميع بينما في الظل وخلف شاشات "الدارك ويب" يقبع وحش يقتات على ثغرات الآخرين فيصنع دائرة شيطانية مفرغة يكون هو فيها الحبيب والمبتز والمنقذ، والضحايا يدورون في فلكه يسلمونه مفاتيح حياتهم طواعية ليحميهم بينما هو يستخدمها لمزيد من الابتزاز المادي والعاطفي. لقد وظفت الكاتبة ببراعة مفهوم "يوم الصفر" وأسقطته إسقاطاً مرعباً على العلاقات الإنسانية، وذكرتنا بدرس قاسٍ يخبرنا بأن ليس كل ما يلمع ذهباً وأن أقنعة اللطف قد تخفي خلفها هاوية مظلمة. * بين المال والقيم تضعنا الحلقة أمام مفارقة اجتماعية صارخة ومؤلمة عند المقارنة بين نموذجين للتربية؛ نرى عائلة الضحية التي عميت بصيرتها ببريق المال فلم تكترث لمصدر ثروة ابنها المريبة، في مقابل نموذج الأب المتدين الذي يمثل الوازع الأخلاقي والرقابة المحبة وتتجلى عاطفة الأبوة لديه في أسمى معانيها حين تتعارض القوانين الأرضية مع غريزة الحماية الفطرية. *كما لم تغفل الحلقة عن تشريح الواقع المؤلم، حيث ألقى الثلاثي الضوء بجرأة على قضايا شائكة مثل كيف ساهمت "السوشيال ميديا" في تطبيع العنف حتى باتت أخبار القتل تمر مرور الكرام وغاب الوازع الديني الذي يعظم حرمة الروح، وكيف خلقت المقارنات الزائفة ضغطاً نفسياً يولد انفجاراً، ناهيك عن تصدير "التافهين" كقدوات للجيل الجديد، كما وضحوا أن غياب الاحتواء العاطفي داخل الأسرة يؤدي إلى تحويل الأبناء والزوجات لفرائس سهلة لأول غريب يبدي اهتماماً زائفاً. وعلى الصعيد الشخصي لفريق التحقيق، نتابع علاقة عمرو ومي ويبدو أن "مي" تختبئ خلف مخاوفها الخاصة وتلقي باللوم على ظروف "عمرو" وتجربته السابقة بينما هو يثبت المرة تلو الأخرى جديته ورغبته في الاستقرار، علاقة شائكة تثير التساؤلات أما خالد ونور فهي قصة حب تدفع ثمن خوف الأم وهو خوف مبرر نتفهمه جميعاً، فالحب أحياناً لا يكفي وحده لمواجهة المخاطر. ولعل النقطة المضيئة كانت مع أحمد ومنار حيث نلمس نضج "أحمد" واستيعابه لقيمة بيته وزوجته وابنه في خطوة لتصحيح المسار. ولا يمكننا إغفال المشهد الإنساني الراقي بين "خالد" وابنة أخيه الصغيرة حيث قدم درساً في التربية الإيجابية بتصديقه لها واحتوائها عكس الأهل الذين يمارسون التجاهل و الاستخفاف بعقول الأطفال، مما قاده لكشف خيوط جريمة أخرى كادت تضيع طي النسيان. كما لم تنسَ دكتورة رحاب أن تضفي النكهة الكوميدية المحببة لتكسر حدة التوتر فحضرت "الإفيهات" وحضر الطعام. أداء صوتي رائع من فريق "أوديوهات" وإخراج وضعنا في قلب الحدث، شكراً دكتورة رحاب وشكراً اوديوهات على هذا الطرح الذي يجمع بين المتعة والرسالة فحلقة "يوم الصفر" تجمع بين التشويق البوليسي والقضايا المجتمعية وتحذرنا من ثغرات التكنولوجيا وثغرات النفوس. في انتظار الحلقة القادمة بفارغ الصبر❤️
حلوة جدا ربنا يخليكم ان بجد بحبكم جدا❤️🤟👈👉
سمعت الحلقة كام مرة لحد دلوقتى مش فاكرة انا متعلقة بالشخصيات جداا و بستنى دايما هيحصلهم إيه و إيه نوع القضايا اللى هيواجهوها المرة دى القضية مخيفة ،سواء من رعب التكنولوجيا وتطورها و استغلال البعض ليها بشكل سئ أو وجود اشخاص ف حياتنا يبانوا فى ظاهرهم أحسن ناس وهما فى الواقع العكس تماماً غير طبعاً العلاقات الأسرية السلبى منها و الايجابى اللى بحس ان دايما د.رحاب بتحاول تناقشها فى حلقاتها عجبنى كالعادة الأداء من الجميع بلا إستثناء كالعادة👌🏻
الحلقة تحفةةةةة
انا بقيت مدمنه علي جنايات بجد التطبيق بالنسبه ليا بقا جنايات بس 🥹
انا بقيت مدمنه علي جنايات بجد التطبيق بالنسبه ليا بقا جنايات بس 🥹
ليه قطعتو ردو فعل جميله ان يوسف هو اياد و مامت هايدي برضو
تسلم ايدك يا دكتورة و أحلى فريق أوديوهات ♥️
تحفه تحفه تحفه بجد 🥰🥰
"يوم الصفر".. حينما يتحول "المنقذ" إلى ثقب أسود يبتلع الجميع! ✴️ في حلقة جديدة من سلسلة "جنايات"، قدمت لنا الدكتورة رحاب فكري قصة قتل عابرة، بل يمكن أن نقول أنها قدمت لنا نوعا جديدا من الجـ.ـنايات "جناية الروح" "يوم الصفر" هو الاسم الذي اختارته كعادتها في الاختيار الموفق دائما ليكون مرادفاً للحظة الانهيار الكامل، لحظة سقوط الأقنعة التي ظلت صامدة لسنوات خلف جدران العالم الرقمي الموحشة. 🎭 لتتساءل منذ اللحظات الأولى من هو إياد لتكتشف سريعا أنه شيطان الدارك ويب بملامح ملاك. 🔥 الحلقة لا تحكي عن جريمة قتل عادية حدثت في مدخل بناية ولا تجد من هو مشتبه به فمن يكون بين محب و جار لإنسان محبوب حنون عطوف بل وخدوم إلى أقصى حد ممكن ، بل تأخذنا الأحداث لما هو أعمق حيث الاغتيال المعنوي الذي سبق طعنات الغدر. لتكتشف أن إياد ليس ضحية ، إنما هو المهندس الذي صمم دائرة جحيم رقمية، يتلذذ فيها بدور المبتز الشهم ، فهو يتعمد أولا أن يكسر الضحية ثم يمد لها يده ليساعدها، في حركة شطرنجية شيطانية تجعل الضحايا يسلمونه مفاتيح حياتهم وهم يشكرونه . ففي وضح النهار هو المنقذ ، وفي عتمة الليل هو الرجل العنكبوتي الذي ينسج خيوطه وشباكه في الخفاء 🕸️🕷️ ذاك الذي يزرع الثغرة (Zero-Day) في حياة ضحاياه، لا ليخترق أجهزتهم، بل ليخترق خصوصيتهم ويسلبهم إرادتهم. إياد هو تجسيد لشر العصر ، الشر الذي لا يصرخ، بل يبتسم في وجهك بينما يضع يدك على حافة الهاوية. 💫 ببراعة مذهلة، أسقطت دكتورة رحاب المصطلح التقني على النفس البشرية. #يوم_الصفر في عالم البرمجة هو الثغرة التي لا يعرفها أحد إلا المخترق، وفي هذه الحلقة، كانت الثغرات التي استغلها تتنوع بين الاحتياج العاطفي، الخوف من الفضيحة ، و الجشع. إياد كان المخترق الذي بنى ثروته على تصفير كرامة الآخرين واللعب على نقائصهم واحتياجاتهم . 📌 من الملفت في هذه الحلقة إبراز جانب جديد من شخصية خالد ووضعها في إطار عائلي دافئ ليظهر لنا جانب العم المحب الحنون ، فلم تظهر له عائلة من قبل حتى في خطبته على نور ، والتي على ذكرها أنا أؤيد موقف والدتها وأتفهمه بشدة بقلب أم وعقل زوجة . ✴️ الحلقة بشكل عام من الحلقات المميزة بالسلسلة لما طرح فيها من مضمون جديد يشمل علاقات أسرية منها المترابط ومنها المفكك ، وعلاقات انسانية قد تختلف معها وقد تتفق وبشدة ، ولكن بالنسبة لي ومن وجهة نظري الشخصية استوقفني نقطتين : #الأولى ، كثرة مشاهد الأكل بالحلقة فوق المعتاد ، وتنوع المأكولات حتى وصلنا إلى الأرز باللبن وكأن الحلقة كانت برعاية محلات بلبن 😅 #النقطة_الثانية والتي لطالما أحببتها جدا في حلقات جنايات ، العظة الأخلاقية ، ولكنها كانت جرعة دسمة في حلقة يوم الصفر ، إتخذت شكلا سرديا مطولا ، الأمر الذي يؤخذ فيه على دكتورة رحاب ، فبينما أنا انتبهت لما يقال وأعجبني ، نفر منه أبنائي وأصابهم شيء من الملل ، فلنأخذ بإعتبارنا أن من بين جمهورك من هم دون الثامنة عشر ، وأعتقد أنك على دراية كافية بهم من اختلاطك بهم في الجامعة وأدرى الناس بطباعهم ☺️ 🔥 أحداث الحلقة كانت في إيقاع تصاعدي يحبس الأنفاس.. الموسيقى التصويرية والأداء الصوتي لفريق Audiohat اوديوهات لم يكن مجرد خلفية، بل كان شريكاً في صنع التوتر، حيث تشعر أن الأنفاس المكتومة خلف الميكروفون هي أنفاس الضحايا اللاتي استباح إياد حيواتهن. نجح الجميع بلا استثناء في تحويل النص إلى كابوس واقعي تخلله نوع الكوميديا المعهود من السادة الظباط ، وأشيد بمشهد عمرو وشربيني والعظيمة أم نور فكان تحفة العمل 👌 📌 ولا أنسى أن أشيد بأداء فتاتي المميزة ، بنيتي الجميلة التي أدت ببراعة مع كثير من البكاء دور عاليا الفتاة الوحيدة التي لم تطلها سموم إياد ولكن ستلاحقها لعناته . 🔥 حلقة #يوم_الصفر هي صرخة تحذير من ثغرات النفوس قبل ثغرات الأجهزة صرخة في وجه التزييف تضعنا امام حقيقة أن التكنولوجيا سلاح ذو حدين وأن القلوب الهشة هي الثغرة الأكبر التي ينفذ منها الشياطين . دكتورة رحاب فكري لم تكتب حلقة جنائية، بل كتبت كتالوج"لكشف الوحوش البشرية التي تعيش بيننا بملابس مهذبة.
انا بحب واحد اسمو إبراهيم ولاكن صوفي معجبة بس كان في شي ثاني مره ثانيه أن شاءالله احسن شي انك طيبه يا بابا وماما مرحبا بك يا بابا وماما وبابا عاملين اية الاخبار شنو ي قلبي ❤️ ❤️ ❤️ ❤️ ❤️ ❤️ مرحبا مليون دولار مرحبا بك يا ستو الله يسعدك ويوفقك ويحفظك يارب دايما يا ميس انا لين الحين انا دخلت على الخروجة من وين انتي في البيت انا دخلت على الخروجة الله يسعدك يارب ويحفظك من كل هدومك من كل ٥٥٤٣ مرة$#*
WTF
في انتظار الحلقة التالية ❤️
حلو قوى 👍🏻 مجهود متميز 👏🏻
انا من اول دقيقة عارف انا باسل هو القاتل لما فرك ايديه وقال حساسية شكيت لكن اول ما ابوه قال عن مريم انه بحترمها زى اخته ود كانت معلومة ملهاش لازمة اتأكدت وطبعا اصراره انهم يصلوا فى البيت ظه كان قاط عت الشك باليقين عندى وفضلت اسمع مستنى اشوف هيتمسك ازاى ... واعتقد ان الاوقع اننا نقول ان الاب مكانش عارف بالجريمة فوقتها لكن عرف بعد كدا بفترة ولما اخدوا باسل قرر يروح يفديه ... طبعا حلقة جميلة جداااا واداء رائع ومفاجأة جميلة انى الاقى حلقة من بعد منتصف الليل مع جريمة جديدة فنس اليوم .. شكرااا ليكم ❤❤
حاول تدارى الحرق دا عشان ناس كتير لسه بتسمع الحلقة
@Romaa حاضر فعلا معاك حق بس انا شخصيا نادرا ما بدخل التعليقات قبل سماع الحلقة خصوصا فى السلاسل اللى بتابعها بإستمرار
جميلة أحلى أوديوهات
بحبكم قوى و بحب السلسلة دى جدا حلقة تحفة وشيقة جدا جدا 🥰
روعه كالعادة وفى انتظار الحلقه القادمة
بسم الله اخيرا جنايات
فعلا انا كمان اطبصت لما شقته .انا شفته يجي ١٠٠مرة كلهم🤪❤️
روووووعه شاطرين ❤️❤️❤️
تسلم ايدك د.رحاب عبقرية و طبعا الأداء من أبطالنا كله ممتاز وتحفة😍
السلسلة دى ماتخلصش أبدا تفضل مكملة على طول
بحب السلسلة دى قوووى و بحب ان الكاتبة دايما بتناقش مواضيع ومشاكل اجتماعية مهمة فى كل حلقة برافو ليكم جميعا
انا عرفت القاتل من اول الحلقه خالص موالممثل شاطر خالص وصوته كان مؤثر وهو بيحكي حقيقي💔
بلاش توضحى اوى حرق الحلقة عشان فيه ناس لسه بتيجي و بيشوفوا التعليقات من ببا باخدوا فكرة عن الحلقة و بتنحرق عليهم
@Sh.nasr عدلت التعليق
رائعه رائعه رائعه يا رحاب بجد احلى سلسله سمعتها ف حياتي الحبكه والنقلات و تنفيذ اوديوهات اللي بيتطور من مره لمره والله لو التطبيق ده مافيهوش الا السلسله دي ف انا معاكم 🥹
تحفة تحفة تسلموا بجد بحبهم قووى
روعة كالعادة مش جديد على فريق عمل اوديوهات ولا جديد على ابداع الكاتبة الفاضلة
الحلقة بتناقش موضوعات مهمة الحقيقة يعنى والله حاجة مرعبة .الواحد يبقى مآمن لناس وهما قادرين يبانوا فى أحسن صورة و بعدين تكتشف أنهم الأسوأ وبتوع التيك توك يارب ينتهوا من حياتنا بجد و العلاقات الأسرية اللى باينة سليمة لكن ماليانة كدب و خوف و بدون اى وفاق ربنا ينجينا والله تسلموا على الأداء الجميل دا وتسلم دكتورة رحاب على كل اللى بتكتبه
جميلة قوى الحلقة .ماليانه قضايا بصراحه مهمة جدا .استخدام التكنولوجيا و الأذى الى بيييجي من ورا الاستخدامات الخاطئة ليها. الناس اللى بتبان طيبه و هما تعابين ، الاهالى اللى منفصلين عن عيالهم ومش حاسين بيهم ، الاخوه بتوع التيك توك و الترند و بيوتهم اللى مكشوفه وفى الاخر نهايتهم بتكون سودة تسلم ايدك يا دكتورة بجد 😍
اللى عامل دور باسل دا فناااان برافو اوى الحلقة حلوة اوى
الأداء رهيب جدا 🥰
كالعادة عجبنى القضايا اللى بتناقشها د.رحاب الممثيلن عاملين أداء عظيم حقيقى مش عارفة اشكر مين وأسيب مين ،الاب و ابنه هايلين كوكى سكر الثلاثى بتاعنا و عبد الرحمن مشاهدهم رهيبة بجد 😀🥰🥰 القضية التانية شدانى جداا بردو
الحلقه تحفففففه وممتعه واكثر من راائعه واداااء الممثليين اكثر من رااائع والحبكه الدرااميه رهييبه ..بجد انا عيطت ف ااخر الحلقه من تصرف والد بااسل ..انكم فعلااا راائعون ومتميزيوون ..شكراا يااحلي فريق اوديوهااات
مشاهد خماسي الظباط بتضحكنى جداا جداا سمعت الحلقة مرتين، وكالعادة د.رحاب مش بس بتقدم جريمة مشوقة بس ، لكن كمان بتفتح باب لقضية اجتماعية مهمة. أكتر حاجة لفتت نظري هي فكرة الخوف من الأهل، واللي بيخلي الأولاد يهربوا من الحوار معاهم ويدوروا على حد برا يسمعهم، وغالبًا بيقعوا في مشاكل. الأهل دورهم مش بس رعاية، لكن كمان احتواء نفسي وعاطفي، وده اللي بيحمي الأولاد وحتى الكبار من اختيارات غلط وكوارث. رسالة مهمة جدًا بتتكرر في حلقات جنايات، وتحية كبيرة لد. رحاب عليها
حلقة هايلة و فيها تحذير حلو جداااا للناس اللى بتثق فى غرباء الانترنت و بيتكلموا معاهم ، فعلا مفيش حاجة اسمها علاقات الانترنت دة فخ و اضراره اكتر من فوايده بمراحل و احيانا بيودى فى داهية . برااااڤووو فريق العمل و شكرا للكاتبة اللى سلطت الضوء على المصايب دى
سعيدة جدًا ان اخيرًا رجعنا للتركيز الرئيسي على القضايا و بقى في توازن بين موضوع الحلقة و بين حياة الابطال ، حلقة مليئة بالابداع من جميع الجوانب .. طبعا كتابة جميلة كالعادة ، تمثيل رائع من الكل ، من اكتر الاداءات اللي عجبتني الاب و باسل .. كان اداؤهم مؤثر جدًا .. حقيقي أصابني بالحزن و تعاطفت معاهم هم الاتنين ، و احترت هل فعلا اللي حصل هو الاحسن ولا لا .. عجبني اوي أداء كندة ما شاء الله عليها موهوبة جدًا و عندها حضور ربنا يحفظها ❤️❤️ تناول القضايا المجتمعية المختلفة كان حلو و مهم جدًا جدًا و هو البطل الرئيسي للحلقة .. ابتزاز البنات و خوفهم من الابلاغ .. الخوف من الاهل .. خطر النت اللي يوم عن يوم بيزيد بشكل مرعب .. ازاي الناس ورا الشاشات تقدر تبقى وحوش آدمية .. القضايا دي بقت حوالينا طول الوقت بشكل مخيف و د.رحاب فعلا عرفت تصيغها بشكل رائع مش جديد عليها شكرًا لكل القائمين على العمل على المتعة و الجمال دة ❤️
كل حلقة بيكون فيه قضية فعلاً عمر ماكان فيه حلقة مفهاش قضية جديدة
راااااااائع كالعادة
الواحد يبطل يسمع الحلقات البتجوع دي احسن 🤣🤣🤣🤣
داخله ف أمان الله اكتب عن جمال الحلقه سواء كتابه أو اخراج او تمثيل لقيت الحلقه إتحرقت طب لييييه🥲 أنا برضوا كنت حاسه انو القاتل بس مش عارفه السيناريو الي ف دماغي صح ولا لا .
لازم متقرأيش التعليقات قبل الإستماع للأسف بيحرقوا جدا
معاك حق يا شربيني واد ملزق فعلا 🤣🤣
الحلقة دي جميلة اوي وصعبة اوي بجد وبتمنى ان عمو أبو باسل يطلع براءة وبتمنى من كل قلبي ان اللي زي اياد دول يتحاسبوا وياخدوا اقصى عقاب
يا جماعة انا عرفت القاتل من اول جزء من اول ما عرفت المرض اللى عند الكلب و صاحبه 😊😊😊😎😎😎
أنا عرفته لما باباه قال إنو كان هيخطبهالو وهو اتنرفز كدا😁
اولاً فين مى ؟!!!! مينفعش حلقة من غير مى وعمرو بجد !!! ثانيا ارشح د زين يكون ضحية الجريمة الجاية او الجانى 🙂 لانه فعلا غتت وملزق وكطبيبة فهو غير اخلاقى أصلا انه يرتبط بمريضة عنده فاقدة للذاكرة ومش فى وعيها الكامل و عارف انه مرتبطة وكانت بتحب خطيبها فده مصيبة
مى ظهرت فى مشهد بتاكل هى وعمرو و بيتاخنقوا كالعادة 😅
ايوه فعلا اتنرفزت لأن كدا هو بيخدعها ومتنرفزه اكتر من مامتها 💀
ريفيو الجزء 2 أم نور معاها ألف حق والطريقة اللي اتقدم بيها صوتها كانت ضربة عبقرية نقلت مشاعر الأم المقهورة بشكل ما يتفهمش قد إيه مؤثر. وبصراحة… كلنا كنا عارفين إن الدكتور زين الملزق هيتحول من ملاك لطرف تاني خالص الراجل ده صوته من أول مشهد مش مريح. ويا سلام على أم خالد، عقلانية بطريقة تخليك تحترم كل كلمة بتقولها حتي لو انا مش متفق معاها بس وجه نظرها تحترم . النقطة اللي اتفتحت عن خوف البنات من الإبلاغ لمباحث الإنترنت… دي مشكلة حقيقية والمجتمع لسه مش فاهم قد إيه الموضوع ده خطير ولازم يكون فيه وعي ودعم للبنات أكتر لان البنات بيخافو يبلغو أهلهم وبيخافو يبلغو المباحث فبيتيحو للمبتز فرصه من ذهب . وبرضه اتفتح موضوع الوازع الديني وتأثيره وده خط مهم جدا لأن فعلا فيه ناس بتتراجع أو بتقف عند حدود معينة بس علشان الضمير لسه صاحي وفي نقطه يا دكتوره هو فعلا حضرتك اللي عامله عمل ان مفيش علاقه تكمل ده حتي العلاقات اللي بنقول هتنجح شكلها هتفشل 😂😂 السؤال : هل فيه حد فعلا ممكن يدي جهازه الشخصي لحد؟ ده شبه مستحيل جهاز الفرد دلوقتي بقي جزء من خصوصيته وهويته وسره فدي نقطه إستغربتها . إياد بقى… ده فئة لوحده حرفيا بيفكرني بلاين من أغنيه أجنبيه "وشياطين تتخفى في وجوه ملاك" بتمثله بالحرف، بريء في المظهر ومظلم في العمق والسؤال: كان بيلاقي وقت لكل ده إزاي؟ ده محتاج ٦ نسخ منه. نجي بقى لواحدة من أهم جمل شربيني: "ليه أذكى العقول شريرة؟" الجمله دي لوحدها تفتح نقاشات عن علم النفس والأدب والفلسفة لأن الأغلب إن الذكاء الشديد يفتح أبواب للطمع والتحكم والغرور وده قديم جدا في الأدب بس السؤال اللي جه فبالي إزاي محدش أخد باله إن اياد لما اتطعن في الأسانسير وسابوه ساعة… ليه ما صوتش؟ ليه ما حاولش يطلع؟ ليه ما خبطش على الجيران؟ نقطة غريبة جدا. وخالد… رغم إنه مش بيتسم بالذكاء لكنه بيظهر فالمشهد بملاحظات تخليك تقول "الله أكبر يا راجل أخيرا الكبده والسدق جابو نتيجه 😂 ولأول مرة في السلسلة دي حسّيت بكره حقيقي من المجرم حسيت فعلا بكمية الأذى اللي بيعمله وحقيقي كان يستحق القتل وفكرتني بجملة العراب أحمد خالد توفيق: "مشاعر المرأة شيء مقدس لا يجب المساس به" بجد يا دكتوره حضرتك أبدعتي في اننا نكره المجرم وتيجي المقارنة اللي حيرتني هل أنا مع العجوز ولا باسل المشاعر ولا المنطق ؟ وهنا فعلا بيبيان ان ظلم الراجل الكبير أرحم ميت مرة من ظلم باسل الغلبان القصة كلها ١٠ من عشره عجبتني جدا تقييم الأداء الأداء… فوق الخيال. كل صوت كان محطوط في مكانه كل إحساس متوزن كل لحظة فيها إتقان وكأن الفريق ده بيمثل مش بيسجل مية من عشرة بل ألف. الهندسة الصوتية لوحدها تستاهل حلقة تكريم الموسيقى شغّالة كأنها شخص تالت في كل مشهد الإخراج… مدروس لدرجة إنك تحس إنك شايف المشهد قدامك وبصراحه اثنين لفتو انتباهي كندا وأم نور و شكر خاص للي ورا الكواليس تحية جبارة للجيش الخفي اللي محدش بيشوفه: مهندس الاذاعه الاستاذ مروان خميس والبوستر: أستاذه سمر المنتج: أستاذ حمزه والاعداد الاذاعي : استاذ وسام المخرج طبعا : أستاذ عمر وممثلي الأصوات اللي شايلين العمل ده على كتافهم اللي بيقدموا فن حقيقي مش مجرد قصة وخلاص عاشوا كلهم
انا بقى بعد ما قريت تعليقك كله لازم ابدى اعجابى وانبهارى بالتفنيد والتفاصيل الكتير اللى حللتها واعتقد انك اكيد صحفى او عالاقل عندك ميول ادبية اكبر من القراءة والاستماع للروايات .. تحياتى ليك والله ينور بجد شابو 😁👌🏻
@SherifBethoven تسلم يغالي
كنت خايفه غير قابل للاستئناف اخر رواية في السلسله ربنا يوفقك يا دكتوره ❤️
خايفة اكون بظلم بس ديه أجمللللل وأحللللللى حلقة جنايات.. كل التفاصيل جميلة من الموسيقى ل أختيار الإسم للقصة نفسها أما السادة الافاضل الممثلين ق شهادتى مجروحة فيهم.. بس اسعدتونى جداااا جداااا⚘️⚘️ دمتم متألقين👏👏👏👏👏👏
دانا انتي خلووووود اطلعي من دول
هى ديه بقى الأعمال الهادفة حقيقى رائعة،صعب عليا الاب جدا جدا١😭
حلقة جميلة جدا 👏👍 شكرا اوديوهات و شكرا دكتورة رحاب
فظيعة والله
ابداع … والله المشكله اني بديت مدمن على جنايات خاصه و اوديوهات عامه … نتمنى ان تسرعو فالقضيه الجايه .. بالتوفيق .. متابع من ليبيا 🇱🇾❤️🇪🇬
حلوة اووى بجد وكالعادة..انبسطت جدا بالمشاركة ✨✨✨
روووووعه تحياتي للفنان جاسر الأنور
اداء رائع جدا من الجميع لكن عندى تعقيب بسيط ازاى باسل يكون هو اللى عملها ولما شاف الجثة فى المصعد اغمى عليه إلا لو كان بيمثل بقى
تحفه فنيه ❤️❤️
جنايات صراحة حلوة دايما بس الحلقة دي تخطت كل حاجة ♥️
أحلي حلقة في جنايات ♥️♥️
القصة بدأت حلوة جدا وكان واضح من الاول ان الكلب هيكون جزء من حل الجريمة بس الجزء التاني من القصة في حاجات ناقصة مش كاملة وكمان حاجات مش منطقية زي ازاي الظابط يبلغ حد ازاي بيقوم بشغله زي الجنائي لما قاله عن الدم او ان كل واحدة تعترف يعرفهم بالشخص اللي عامل معاهم كلهم الابتزاز وهما لسه موصلوش للقاتل وكمان لما الظابط حقق مع مريم في الاخر اداها اجابة من غير ما تكلم في حاجات مش مظبوطة في القصة و حتي مكنش في مشكله لو قسمتوها علي كذا جزء بس منسمعش القصة بالشكل ده
ناخد بالنا يا جماعة الحلقة من جزئين ده الجزء التاني ، اسمعوا الجزء الأول أولا
التكملة يا جدعاااااااااااان
ماخلاص خلصت 😅
.jpg)
هو ازاي التقييم يبقي 5 نجوم بسسسسسسس
يعني اللحمه اللي في الفريزر طلعت لحمه ضاني فعلا ؟؟ ازاي دي النتيجة النهائية 😂
أكيد لسة فى الموضوع دا كلام تانى
النهايه مهزوزه ولا أظن ستنتهى هكذا الضابط اخذوا دور القاضي
هما كانوا بيقولوا رأيهم مقالوش إن دا حكم القضاء ، هما ادوا توقعات إن القاضى ممكم يعمل كذا هما كظباط قدامهم اعتراف و سلاح جريمة شغلهم خلص لسة فيه نيابه وقضاء ودا مش شغلهم
مستنيا من زمان
يارب مش تكون اخر وحدة
حقيقي تحفة 👏🏻👏🏻❤️
حلوه
هو أنا ليه حاسس ان روح هاني الجمل هفهفت عالحلقة دي 🤔
حلقة حلوة قوي ✨️
👏🏻👏🏻👏🏻👏🏻👏🏻👏🏻👏🏻👏🏻👏🏻
❤️❤️❤️
حيوان يستاهل القتل
❤️❤️
واخيرا ❤️❤️